|
Inifresi
Tinige' Dr. Siñora Bernadita
Camacho-Dungca
Ginen i mås takhilo' gi hinasso-ku,
I mås takhalom gi kurason-hu,
Yan i mås figo' na nina'siñå-hu,
Hu ufresen maisa yu'
para bai prutehi yan hu difende
I HINENGGE,
I KOTTURA,
I LENGGUÅHI,
I AIRE,
I HANOM yan I TANO' CHAMORU
ni' irensiå-ku direchu ginen
as Yu'os Tåta, Este hu afitma
gi hilo' i Bipblia
yan i Banderå-hu,
--I Banderan Guåhan.
|
|
Prinimeti
Tinige'Carmen Songsong Taimanao
Manhula’ yu’ fiet gi papa’
i banderå-hu Notte Marianas na
bai hu cho’gue todu i nina’siñå-hu para
bai hu prutehi yan difendi
I Hinengge,
I Kottura,
I Lengguåhi
I Aire,
I Hanom yan I Tano’
ni’ irensiå-ku ginen as Yu’os Tåta
para todu i hinirasion Chamorro
på’go yan para todu i tiempo.
|
|
Guam Anthem
Pinila' Siñora
Lagrimas Untalan
Fanohge Chamoru put it tano'-ta
Kånta i ma tunå-ña gi todu i lugåt.
Para i onra, para i gloria
Abiba i isla sen parat.
Para i onra, para i gloria
Abiba i isla sen parat.
U todu i tiempo i pas para hita
Yan ginen i langet na bendesion.
Kontra i piligru, na'fansåfo' ham
Yu'os prutehi i islan Guåhan.
Kontra i piligru, na'fansåfo' ham
Yu'os prutehi i islan Guåhan.
|
CNMI Anthem
Gi talo’ gi halom tåsi
nai gaige i tano’-hu
Ayu nai siempre u såga
malago’-hu!
Ya un diha bai hu hånao
bai fåtto ha’ ta’lo
Ti siña hao hu dingngu
O tano’-hu.
*Mit beses yan mås
Hu saluda hao
Gåtbo na islas Marianas
Hu tuna hao!
Satil matawal Pasifiku
igha ello falaweey iye
Ighilal igha ebwe llotiw
tipeey iye!
Eew raal nge ibwe mwetsangi
nge ibwal sefaliti
Ese mmwal bwe ibwe lighiti
bwe falaweey!
*Sangaras faal bwughuwasch
ay tirow ngalugh
Ling gatchul teel falu Marianas
ay mwareiti! * (koru, ripiti) |
Rota (CNMI) Anthem
“I TANO’-MÅMI”,
Tinige’ Oscar Mendiola
I tano’-måmi nai ti dångkolo na isla
Lao sumen gåtbo todu i uriya.
I mañaina yan todos i familia,
U diseseha na u li’e’
Todu, hu gof li’e’, guini gi islan Luta.
Koru:
Dikike’ na isla bensiyon yan bunitu
I laderå-ña kahulo’, kulan guå’ot para’isu
Ha fa’tinas i saina-ta, i islan Luta
Gi entalo’ i Pasifiku.
Betso Dos:
I trongkon håyu yanggen guinaguaifi ni’ manglo’
Ha na’hahasso yu’ ni’ ayu na tåno’
Kada chålan hu emprenta i rastro-ku
Memorias manmåfatto, i manmames na rikuetdo
Put Luta likidu na tano’-hu.
Koru:
Dikike’ na isla bensiyon yan bunitu
I laderå-ña kahulo’, kulan guå’ot para’isu
Ha fa’tinas i saina-ta, i islan Luta
Gi entalo’ i Pasifiku. |
|
|