Eyak ya u ma tungo’, Yuma ya u ma hungok, Fatta ya u ma li’e’.

Maila’ ya bai in yåma i atension-miyu, fanachu, ekungok ya en

mantieni gi i kerason-miyu este na ginagao, i ginagao i mañaina-ta

ginen hita para hita. Munga hit na ta sotta i fino’-ta ni’ taotao i isla Mariana,

i CHamoru siha.

Eyak i fino’ ya u kurenti maseha amånu guatu, u tai finakpo-ña

sa’ este direcho-ta, irensia-ta yan lina’lå’-ta ginen i hila’ i mañaina-ta.

Uniku, bunitu, ya fino’ na magåhet gai sostansia, gai estao gi i tano’ i taotao

i isla Mariana. Ta Eyak ya ta na’kalamten gi i tai hinekkok.

Yuma i fino’ CHamoru ya u ma hungok ni’ etro na hunggan, fino’ na

Sumen magåhet ya esta på’go  mómongmong ha’ gi i kerason -ta,

ya gógonggong ha’ gi i pachot-ta, i mannatibon i taotao tåno’ i MaÑamoru.

Ta Yuma sa’ tai finakpo’  ya siempri u lasesso ma hungok.

Fatta gi todu i nina’siña yan minagof, maseha amånu guatu yan

gi håfa na manera. Gi i inádingan, gi i tinige’, gi i tinaitai, gi i guinifi, gi i kanta ,gi i huegu, gi i

teknoloyia yan gi i kiminidåt, ya ta na’ ma li’e’ na hunggan, mambanidosu hit ni’ i fino’-ta.

Ta fatta ni’ taotao isla Mariana ya u ma li’e’ gi  i enteru  mundo.

Ti este ha’ chi-ña .

Ta cho’gue! Para i manmå’pos, på'go yan i

manmámamaila’ para nåya!