> UOG Events home page > UOG News & Announcements home page

Poetry Recitation/Rinisadan Po'ema

CHamoru Language Competition


POETRY RESITATION/RINISÅDAN PO’EMA 

Guinaiya Taifinakpo’

Dr. Michael Lujan Bevacqua

 

Kulang hu guaiya hao gi ti tufung’on na manera yan biåhi

Gi lina’la’ despues di lina’la’

Gi hinasso despues di hinasso

Gi guinife despues di guinife

Taifinakpo’

 

I makahnåyi na korason-hu

Mafa’tinas yan mafa’tinas ta’lo

Gi un alåhas kånta

Ni’ un u’usa gi i aga’gå’-mu 

Gi lina’la’ despues di lina’la’

Gi hinasso despues di hinasso

Gi guinife despues di guinife

 

Kada nai masangåni yu’ ni’ estoria put i antigu na guinaiya

Mañatmagåhet, tåya’ mås

I piniti yan guinaiya manmåfnas gi me’nå-ta

Ni’ håfa ma sangåni yu’ put i manma’pos yan i manmofo’na,

Todu machalåni yu’ giya hågu

 

Mafalulon hao ni’ i mina’lak i puti’on

Ya un pugao i hinemhom.

Sumimbulu hao håfa tai ina’go gi i maloloffan i tiempo

Hita na dos, mumå’ya’ mågi gi i saddok ni’ milalak ginnen i be’bo’ ni’

muna’mongmongmong i korason tiempo

 

Gumuaiya hit chumecho yan un miyon na otro na amåntes

Ta tanña’ i parehu na minames put umafakcha’i yan minala’et put umafa’sahnge

Lao ni’ unu lumåmlamlam kulang hita

 

Pues taifinakpo’ yan taiachaigua’ i guinaiya-ta

Ya tumutugong gui’ mo’na tai ma’a’ñao

Gi lina’la’ despues di lina’la’

Gi hinasso despues di hinasso

Gi guinife despues di guinife