> UOG Events home page > UOG News & Announcements home page

Anthems & Songs

CHamoru Language Competition


Anthems and Songs

 

CHamoru Language Competition

 

Mariånas

J. Peredo

 

Koru

Mariånas,islas I Pasifiku,

Mariånas, islas ni man sen gåtbo

Mariånas, tåno’ I Chamoru

Mariånas, Guåhan i mås dångkolo

 

Luta, Aguiyan, Tinian yan Saipan

Anatåhan, Sarigan, Guguån yan Alamågan

 

Koru

 

Luta, Aguiguan, Tinian yan Saipan

Anatåhan, Sarigan, Guguån yan Alamågan

 

Pågan yan Agrihan, Asunsion yan Måug,

Farallon de Pahåru uttemo Lågu.

 

Koru

 

_______________________________________________

I Gupot Chamoru

Tinige’ J. Peredo

 

I.

Ma planeha i familia para u fanggupot,

Todu i familia,

Man matå’chong para u fanma hassuyi,

Håfa para ma cho’gue,

Ma listo i lalåhi para u ma håtsa,

Dångkolo na palapåla,

Ai na minannge’ este i kostumbre-ta,

 

II.

Ma faisen si Chai’ yan si Tan Maria,

Para siha i dos u hineksa’ agaga’

Si Manet yan si Juan humanao mu ngayu

Para i feggon sanhiyong

Manma tågo’ siha i famagu’on,

Para u fana’a’ayuda,

Ai na minannge’ este i kotturå-ta.

 

Bridge

Ai na minannge’ este i gupot Chamoru guini gi tano’-ta,

Mandanña’ todu i natibu,

Mambokka, mambaila ya ma silebra,

I gupot Chamoru.

 

III.

Si Tun Kin yan si Ton para u a’pare,

Yanggen ma puno’ i lechon,

Ma chule’ i trapiya ya ma fa’denne’

 Ai na minannginginge’

Ma na’manengheng siha i setbesa,

Ya ma pripåra i chesa,

Ai na minannge’ este i kostumbre-ta,

 

IV.

Manmåtto siha todu i bisita,

Yan i chinchule’-ñiha,

Managofli’e’ siha I Chamoru,

Este i kostumbren rispetu,

Manmagof todu sa’ mandadanña’,

Maseha håfa na ukasion,

Ai na minannge’ este i kotturå-ta,

 

Bridge

Ai na minannge’ este i gupot Chamoru guini gi tano’-ta,

Mandanña’ todu i natibu,

Mambokka, mambaila ya ma silebra,

I gupot Chamoru. (3x pues måkpo’)