CHamoru Language Competition


Choral Reading / Tinaitai Koru

 

 

Tinaitai Koru, 2017                                                       Tinige’ Teresita Concepcion Flores

 

I Fino’ CHamoru

Ta hungok,ta li’e’,ta sångan

pues Nihi ta mantieni!

 

Ini  na fino’ ginen i hila’ i manaina-ta.It mas yahululo’ gj nina’en-niha.

Para u ta tungo’ manhayi hit, mangginen manu hit ya u ta fanmetgot gi lina’la’,

gi hinengge,gi hinasso ya u ta chachalåni mo’na i tiempo para i manmamamaila.

Pues nihi ta mantiene!

 

Ta hungok;

Gi i inadingan

gi  i lalai, gi i pu’ema,

gi i tinaitai,yan gi i inigong

put guinaiya,minagof, chinatsaga,

pinadesi,inafa’maolek yan put

sentimento.

Pues nihi ta mantiene!

 

Ta li’e’;

gi i manaina-ta,gi i famagu’on-ta

gi i lepblo-ta,gi i kumunidat-ta,gi i eskuela-ta,

gi i mangga’chong-ta

put guinaiya minagof,chinatsaga,pinadesi

inafa’maolek yan put sentiment.

Pues nihi ta mantiene!

 

Ta sångan;

gi i manaina-ta, gi i famagu’on-ta,

gi i mangga’chong-ta, gi i tinaitai-ta,

gi i kumunidat

put guinaiya, minagof, chinatsaga,

pinadesi, inafa’maolek,

yan put sentimento

Pues nihi ta mantiene!

 

Mungnga na ta fanlinaisen

sa’ ti ta hungok

Mungnga na ta fanlinemlem

sa’ ti ta li’e’

Mungnga na ta fanfinalaguaihon

sa’ ti ta sångan

 

I Fino’ CHamoru

Ta hungok, ta li’e’, ta sångan

pues Nihi ta mantiene!

 

PDF icon tinaitai_koru_2017.pdf