CHamoru Language Competition


Anthems and Songs

 

CHamoru Language Competition

 

Korun Famagu'on

Children’s Choir/Koron Famagu’on Selection
Inachá’igen Fino’ CHamoru 2018

 

Kostombren CHamoru

By K. C. De Leon Guerrero    

 

Album: Bonitu na Ha’åni             Label: Double A. Productions

 

Humånao ham para i lancho
Para bai in påsto i chiba
In na’boka todu i mannok
Pues in hale’ mendi’oka
Kåddon påtas guaka yan kontodu i binådu
Sa’ este na kostombre-ta, i kostombren i CHamoru.

Ya ai, lina’la’ i CHamorus gi tano’-hu
Ai, sen magof kurason-hu
Put tano’-hu, tåno’ i CHamoru
Ai, lina’la’ i CHamorus gi tano’-hu
Ai, sen magof, sen magof kurason-hu.

Manhånao ham para i lancho
Para bai in pasto i chiba
In na’boka todu i mannok
Pues in hale’ i mendi’oka
Kåddon påtas guaka yan kontodu i binådu
Sa’ este na kostombre-ta, i kostombren i CHamoru.

Ya ai, lina’la’ i CHamorus gi tano’-hu
Ai, sen magof kurason-hu
Put tano’-hu, tåno’ i CHamoru
A,i lina’la’ i CHamorus gi tano’-hu
Ai, sen magof, sen magof kurason-hu.

Manhånao ham gi alas ocho
Måtto ham tåtte gi alas singko
Humånao para i gima’
Ya ha pula’ sapatos-hu
Humånao ham para i bisinu
Ya sigi ham manunu
Ai, este na kostombre-ta, i kostombren i CHamoru.

Ya ai, lina’la’ i CHamorus gi tano’-hu
Ai, sen magof kurason-hu
Put tano’-hu, tåno’ i CHamoru
Ai, lina’la’ i CHamorus gi tano’-hu
Ai, sen magof, sen magof kurason-hu

 

Youtube Link

https://youtu.be/jJKqMN3lT04

 

Children’s Choir/Koron Famagu’on Selection PDF

PDF icon inachaigen_fino_chamoru_2018_childrens_choir_selection.pdf

 

 

Lålai

 

Lålai/Chant Selection
Inachá’igen Fino’ CHamoru 2018

I Fino’ CHamoru: Poksai Mo’na i Sahyan i Fino’-ta
Tinige’ Siñora Maria Ana “Ann” Tenorio Rivera

 

I. Poksai! Poksai! Poksai Mo’na!
   Poksai mo’na i sahyan i fino’-ta!
   Poksai! Poksai i Fino’ CHamoru!
   Na’yahulo’ i chalan Chumamoru!

II. Prutehi! Adahi! Na’dokko’ I fino’-ta!
    Guaiya! Gofli’e’! Empåtta I tiningo’-ta!
    CHule’! Chule’ ini na nina’i!
    Åkka’! Toktok sa’ iyo-mu, sa’ iyo-mu.

III. CHamoru! Natibu! Taotao i islas Sinahi!
     CHamoru! Natibu! Taotao i Islas Sinahi!
     Adotna hamyo kadenan sinahi!
     Símbolon guinaiya yan inadahi!

IV. Poksai! Poksai! Na’setbe i fino’-mu!
     Praktika kåda diha para un prǻktiku!
     Pasensiåyi! Pasensiåyi! Na’dokko’ i fino’ CHamoru!
     Na’fayi! Na’fayi! Na’fayi hao gi i fino’-mu.

V. Poksai! Poksai! Poskai i fino’-mu!
    Na’chetton gi i kurason-mu! Na’setbe gi i titanos-mu!
    Onra gi i kuentos-mu!

VI. Kånta estoria, fama’chalek yan hemplo.
     Tufong, Tufong kåda påsu gi i baila-mu.
     Dimånda i ma usa-ña gi todu i tinarabirå-mu!
     Tugong, Tufong, kåda påsu gi i baila-mu.

VII. Håcha, hugua, tulu, fåtfat, lima, gunom, fiti, guålo’.
      Na’fonhåyan … Na’fonhåyan …sigua, månot.

VIII. Na’yahulo’ i CHamoru! Guaiya, guaiya i raså-mu!
       Rigålon Yu’os para hita! Manúniku hit gi i hilo’ tåno’.
       Uga otro! Fama’nå’gue! Poksai i CHamoru na taotaogue.

IX. Poksai ya mungnga mana’falingu.
     Poksai – malagu’i numa’guaiyayon.
     Guåhu finé’nena, pues hågu ya ta HITA!
     HITA i sahyan i CHamoru-ta!

X. Poksai mo’na! Poksai mo’na!
    Na’fåmta’ i a’gang na Fino’ CHamoru.
    Na’fitme! Na’metgot! Malagu’i!
    Poksai i FIno’ i Islas Sinahi!

 

Nota: Ripiti maskeseha amånu na betso yan-miyu.
 

Lålai/Chant Selection

PDF icon inachaigen_fino_chamoru_2018_lalai_selection.pdf
 

 

UOG