Tinaitai Koru/Choral Reading Selection

 

Inachá’igen Fino’ CHamoru 2019

 

Lina’la’, Guinaiya yan Pås gi Tano’-ta

By Michael Lujan Bevacqua

 

Taotao Tåno’! Famagu’on i tano’!

I hagas mañasåga guini gi este na gefpågo na isla siha

Ini na lalai un fanhassuyan put håyi hit

Yan i guinaiya yan pås gi lina’la’-ta.

 

Uniku, tåya’ achaigua-ña yan taiprisu i rigålon i lina’la’-ta guini

 

Debi di ta prutehi mo’na siha

I ga’ga’ siha, gi tano’, gi tasi, gi aire

I trongko siha, gaitinekcha’, gaihågon todu gaibåli

 

Ini na miguinaha na tåno’ muna’fanlå’la’ i mañainå-ta

Ma pulåni hit ni’ todu este siha

Ya debi di ta prutehi este na tåno’ para i manmamaila na famagu’on lokkue’.

 

Miguinaiya i lina’la’ guini. Debi di ta ayuda todu gi oriyå-ta siha

 

I familia-ta siha, mañaina, mañe’lu, mamprima yan mamprimu

I manatungo’ siha, gi eskule, gi sengsong, todus hit guini mambisinu

 

Manlå’la’ i mañainå-ta guini gi tiempon gera, linao yan påkyo

Sa’ manafa’maolek ya manafa’maolek todu sa’ managuiya

Ya ma gof guaiya lokkue’ este na tåno’

 

Anggen ta prutehi i guinahå-ta! Anggen ta gofli’e’ i manguinaiyå-ta!

Siempre para ta famå’tinas pås gi tano’-ta!

 

Gi fino’ i manåmko’, “kada mandanña’ i taotao put guinaiya put lina’la’, u guaha pås lokkue’.”

 

Taiguenao mohon

 

Tinaitai Koru/Choral PDF

inachaigen_fino_chamoru_2019_tinaitai_koru_selection.pdf