Tinaitai Koru (Choral Reading)

Ohala, i semnak u hånanao manina

Ohala, i tasi u hånanao malinao

Ohala, ya sumaonao hit gi likao

Ohala, ya ta sodda’ i hagas ta aligao

Ohala, ya ta lachai hit managuaiya

Ohala, ya u taya’ ina’singao

Ohala, ya ta å’agang i saina

Ohala, ya ta fanadispensa isao

Ohala, ya ta agradesi i nispoko

Ohala, ya ta ma’åse’ nu I atuåsi

Ohala ya kada gråsia kumo onru

Ohala, ya i inabiban i mannå’i nahong ha’ na inapåsi

Ohala, ya i kininsehon respetu hinemlo’ dinisatento

Ohala, ya i kina’lak tataotao u ta hakot ginen i minenhalom

Ohala, ya ta fa’oru i fino’ CHamoru sa’ magåhet iyo-mu yan iyo-ku

Ohala, ya ta kosecha i tinekcha’ pipitas putno ta fanmaleffa nu i mañaina-ta yan i che’cho-ñiha todu miyas.

Ohala…