CHamoru Language Competition

Anthems & Songs

CHamoru Language Competition


Anthems and Songs / Korun Famagu'on

 

CHamoru Language Competition

 

Korun Famagu'on

Children’s Choir/Koron Famagu’on Selection
Inachá’igen Fino’ CHamoru 2019

 

Kostombren CHamoru

By Cindy and Ray   

 

 

I.      Håfa na mungnga hao mangnginge’?

Håfa na chiku ha’ malago’-mu?

Mungnga ma abandona

I kestumbren CHamoru-mu.

 

Ya ki maolek fumino’ Engles

CHamoru, CHe’lu, ha’ i hagå’-mu.

Mungnga na un mamåhlao

Ni’ raså-mu.

 

II.     Maila’ todos hit CHamoru

Ya ta usa.

Ta usa i kestumbren 

I irensian mañaina-ta.

 

Maila’ todos hit CHamoru

Ya ta onra

Este i gatbon tano’-ta

Mari’ånas.

 

III,    Este i tano’-ta iya Mari’ånas

Gåtbo na islas gi i halom Pasifiku.

Na ginígi’ot nai på’go

Ni’ banderan Amerikånu.

 

Ya ta nå’i inadahi

Sa’ i lengguåhi esta malílingu

Guini hit nai på’go

Gi iya Mari’ånas.

 

NOTE: Order is as follows – I, II, III, II, I, II, II.

Children’s Choir/Koron Famagu’on Selection PDF

inachaigen_fino_chamoru_2019_childrens_choir_selection.pdf

 

 

Lålai

 

Inachá’igen i Fino’ CHamoru 2019

Tinige’ Maria Ana “Ann” Rivera

October, 2018

 

I Fino’ CHamoru: Lina’la, Guinaiya yan Pås

I Fino’ CHamoru – lina’la’, guinaiya yan pås.
(Lina’la’)       Lina’la’ CHamoru ginen i Saina
(Lina’la’)       Lina’la’ CHamoru, uniku na tåno’
(Lina’la)         Lina’la’ CHamoru, i Fino’ CHamoru
(Lina’la’)       Tåt otro parehu-ña gi i hilo’ tåno’. 

(Guaiya)        Ta guaiya i CHamoru-ta
(Guaiya)        Ta sågue’ i minakkat
(Guaiya)        Ta gosa i minaolek
(Guaiya)        Ta na’yahulo’ I ináfa’maolek
(Guaiya)        Sa’ iyo-ta, uniku na lina’la’. 

(Pås)              Inina ginen i pilan
(Pås)              Mina’lak ginen i atdao
(Pås)              Puru ginefli’e’, búlala guinaya
(Pås)              Dumanña’ i lina’la’ yan i guinaiya
(Pås)              Dumokko’ guaguan yan månnge’
(Pås)              Na tinifok Yu’os. 

(Lina’la’)       Atotga, cháchalåni i dinanche
(Lina’la’)       I derecho, i pinetsigi, i lina’la’ ManCHamoru (/Mæñæmoru/)
(Guaiya)        Atotga, cháchalåni, poksai I guinaiya
(Guaiya)        Na’metgot hao, na’banidosu hao
(Guaiya)        Na’yahulo’ i CHamoru-mu! 

(Pås)              I Fino’ CHamoru: Lina’la’, Guinaiya yan Pås.
(Pås)              Hinenggen CHamoru manmǻna’i Pås.
(Pås)              Kurasón CHamoru chumachalǻlani i Pås.
(Pås)              Lina’la’ CHamoru sumostíetieni I Pås.
(Pås)              I Fino’ CHamoru: Lina’la’, Guinaiya yan Pås.

.

Lålai/Chant Selection

inachaigen_fino_chamoru_2019_lalai_selection.pdf