CHamoru Language Competition

Poetry Recitation

CHamoru Language Competition


Poetry Recitation / Rinisadan Po'ema

Inacha’igen Fino’ Chamoru 2020

Po’ema

Tinige’ Siñora Teresita Concepcion Flores CHamoru

                                                                                                                  

I Fino’ CHamoru’
I Hila’ Nåna u Su’on Hit Mo’na
Fino’ i taotao tåno’, I ManCHamoru
Fino’ i korason, fino’ i hinasso.

 

Ginen i hila’nåna na mana’atungo’ hit,
mana’akuentusi hit yan a’annok manhåyi hit.
Maila ta fanachu, ta fanohge ya ta fanhita
gi i lina’lå’ nu i sumen empottånte na u ta petsigi
i kinalamten i fino’ i korason, i hinasso gi hinanao-ta.

 

I Fino’ CHamoru, i hila’ nåna u su’on hit mo’na.
Ta fanestoria, ta fanadingan, ta fanngåtan
ya ta fanmangguifi gi i fino’-ta i fino’ CHamoru.
Ta usa gi todu maseha amånu guatu, ta attituyi
ya u ma hungok, ya u ma tungo’, yan u ma respeta.

 

Maila ta fanachu,fanohge, ta fanhita! Ya ta difende i diricho-ta
Kumu manaotao tåno’ hit ya ta su’on mo’na i hila’ nåna
i gatbon i sunidu yan  i na’magof na tunåda ni’ humuhuyong.
Ta tuge’ ya u ma li’e’, u ma taitai, u ma komprende yan u ma agradesi
i på’a’ i lina’la’, i espiritu yan i anten i taotao tåno’ i ManCHamoru.

 

Mungnga na ta fanmaleffa håyi hit, ginen manu hit mågi, yan para amånu hit
guatu. Ta gosa i minagof, inafa’maolek, respetu yan guinaiya. Tånom i korason
kottura para i fama’gu’on-ta, sa’ fiet i fino’-ta gi todu i kinalamten-ta.Ta håtsa i
banderan i diricho-ta, ta tulos i galaide’ gi todu i tano’ ya u taichi. Pues nihi todu
ya ta fanohge, ta fanachu ta fanhita ya u ta su’on mo’na i  hila’ nåna!

 

Po’ema/Poetry Recitation PDF

inachaigen_fino_chamoru_2020_poetry_selection.pdf